將生人急凍, 等三五十年後有醫病o既方法再解凍呢個課題我諗大家都聽唔少, 但係你知唔知, 其實而家已經有方法做緊 ..... 而且唔算好貴!

了解人類之前~ 我地先睇睇動物界o既冬眠係什麼一回事!

冬眠呢個字, 相信大家小學都已經聽過, 一般係講動物以一個長時間睡眠o既狀態黎渡過寒冬! 原因好多, 大部份都因為冬天搵唔到食物!

o係呢段冬眠o既時間入面! 佢地o既新陳代謝會大幅減慢什至停止, 心跳降至每分鐘三至五下, 呼吸一分鐘什至數分鐘一次! 呢種叫做冬眠! 可能係幾個月, 亦可以去到幾年! 但係o係動物界, 有一種現像叫"假死", 假死係身體機能心跳呼吸都完全停止, 等一段時間之後再度"自行復活", 科學界現今發現動物界最長"假死"可以長達一百二十年! 真係佢死o既時間仲長過我地生o既時間!

相信大家睇電視都見過一D "植物人"醒返之後, 佢地o既肌肉會退化, 四肢唔似以前咁靈活, 要靠物理治療黎慢慢康復! 科學家而家亦想從呢d "假死" o既動物身上研究出點解可以長時間處於一個靜止o既狀態, 身體都唔怕退化, 痿縮, 什至腐爛! 如果研究成功的話! 大家o係電影裏面見到一碌入個太空倉度訓一覺訓幾十年先醒o既星際探險就旨日可待!

講返人體冷藏, 人體冷藏之前所遇到o既問題好多, 包括水份子變成冰後, 對人體及內臟所造成的傷害, 另一個好難解決o既問題, 就係點樣可以將身體各機能"同時解凍", 例如如果腦部解凍左, 而其他未, 好容易造成腦部缺氧而死, 其他器官亦然!

而家! 有一種新方法! 首先以防腐物質對身體先做些處理, 跟住就會用一個"心肺循環儀器" 將另一種物質灌入人體以取代血液, 稱為灌流 (perfusion)! 接著, 人體會被放入矽樹脂油中進行第一次為期兩至三天的冷凍程序, 人體會被乾冰冷凍至攝氏零下79度, 之後進入第二個正式冷凍程序, 人體會被浸在攝氏零下196度的液態氮中, 此時身體機能及身體中的化學及生命反應會完全停止, 此程序需時約一星期! 之後便會正式移進低溫保持器! 訓埋一邊等叫名! 等"翻生"

參考網站:

The American Cryonics Society Inc. (ACS)

http://www.americancryonics.org

Cryonics Association of Australia (CAA)

http://www.cryonics.org.au/caa/